GENERAL SANTOS CITY – Patay ang usa ka motorista human gibanggaan ug traysikel ang likod nga bahin sa motorsiklo.
Giila ang biktima nga si Jeffrey Gecale, 28 anyos, residente sa Maasim, Sarangani Province.
Sa gihimong imbestigasyon sa Traffic Management Unit nga ala una sa kaadlawon pauli na ang biktima sa Fatima sa balay nga iyang gidayunan human maglingaw-lingaw kauban sa mga higala.
Nagsubay matud pa kini sa conel road dihang kalit gibanggaan sa wala maila nga traysikel nga nagresulta sa pagkabalintong sa maneho niini nga motor.
Human matud pa sa hitabo paspas nga mibiya sa lugar ang traysikel padulong sa wala matino nga direksyon samtang ang biktima ang gidala usab sa Dr George Royeca Hospital apan nakabsan sa kinabuhi samtang gitambalan.
Nanawagan na lamang ang mga kabanay sa biktima ngadto sa mga nakakita sa panghitabo nga tabangan ang biktima nga mahatagan sa hustisya.
