GENERAL SANTOS CITY -Malisdan gayud ang Team Philippines aron makasulod sa sunod nga round sa FIBA World Cup nga magsugod na sa Agosto 31, 2019 sa China.
Sa pakighinabi sa Bombo Radyo GenSan kay Fred Lumba, usa sa mga sports analyst sa syudad, iyang gibutyag nga kini gumikan nga sa mga lig-ong team nalakip ang Pilipinas.
Matud pa niini nga kini tungod sa unang dula sa Pilipinas gikatakda sa Agosto 31, 2019, ang number 4 a FIBA ranking nga mao ang Serbia.
Gawas pa niini ang tag-as ang mga players sa Serbia ug adunay gikan sa National Basketball Association ( NBA).
Ang sunod nga makaatbang sa Pilipinas mao ang Italya nga lig-on gihapon ang team sa Yuropa.
Matud pa niini nga kung una nga makaatbang sa Pilipinas ang Angola makadugang sa moral sa pinoy cagers ang kadaugan apan sukwahi kung mga kusgan nga mga team ang unang atubangon sa mga nahisgutan.
Hinoon wala gipadaplin ni Lumba ang kapasidad sa mga pinoy players nga kung mupabor ang panahon ipakita ang tanang abilidad aron mudaog.
Sa pagkakaron wala pa gibutyagt ni Coach Yeng Guaio ang final rooster sa Team Pilipinas nga gilauman nga masayran human ang duha ka tune up games tali sa Australian cagers.
Sa August 29, 2019 ang biyahe sa national team padulong sa sa China.
