GENERAL SANTOS CITY – Mukabat sa P300,000 ang damyos sa natigayong sunog sa Purok San Juan, Barangay Calumpang ning syudad.
Base sa inistyal nga imbestigasyon sa Bureau of Fire Protection ( BFP) Gensan, nga nagsugod ang sunog sa balay sa usa ka Marites Canine nga wala usay nasalbar nga mga gamit.
Tungod usab nga ginama sa light material ang panimalay paspas nga mikatag ang kalayo og naangin ang mga balay sa palibot niini nga ginama usab sa light materials.
Migawas sa imbestigasyon nga nag gikan sa usa ka ceiling fan ang kalayo nga hinungdan sa dakong sunog n
Kini ang lead nga nakita sa fire and arson investigator sa BFP kung unsa ang hinungdan sa sunog.
Sa impormasyon nga nakalapa gikan kang SFO1 Nituel Bacate, tungod gihimo sa karton ang kisame sa balay, paspas nga mikatag ang kalayo og tungod kadaghanan sa mga pinuy-anan nga ginama sa light materials, paspas ang pagkatag sa sunog.
Nasayran sa BFP sa tag-iya sa balay nga tibuok adlaw matud pang nakaandar ang ceiling fan tungod sa kanit sa panahon.
Mipalit lang sya og merienda og pagbalik niya, dako na ang sunog.
Giklaro sa BFP GenSan nga wala gituyo ang sunog human nga gibasol sa mga silingan ang pamilya sa tag-iya sa balay kung asa didto nagsugod ang sunog.
Nasayran nga upat ang natalang nasamdan apan mga minor injuries lang ang ilang naangkon.
Sa pahayag ni Dr. Bong Dacer, labaw sa City Disaster Risk Reduction and Management Office (CDRRMC) nga anaa sa covered court sa barangay hall sa Calumpang ang 65 ka pamilya nga nasunugan.
Nahatagan na sila og family food packs og padayon ang ilang ginahimong assessment.
