-- ADVERTISEMENT --
GENERAL SANTOS CITY – Anaa sa Top 10 ang General Santos City may kalabutan sa sakit nga Tuberculosis o TB.
Kini ang gibutyag ni Dr. Jacinto Maquilang sa City Health Office.
Matud pa niini nga anaa sa Top 8 ang Gensan sa morbidity ug Top 6 sa mortality.
Hinungdan nga nagpahimangno kini sa katawhan nga magpa-check-up gilayon sa doktor ugaling nga makasinati ug pag-ubo lampas na sa duha ka semana, lagnat nga muabot na sa duha ka semana, kalit nga pag-ubos sa timbang ug pagpaningot sa gabii gumikan posibleng TB na kini.
Matud pa nga makuha ang TB sa microbacterium tuberculosis gikan sa mga tawong wala pa kahibalo nga adunay susamang sakit hinungdan ang maong usa ka kaso ang makatakod sa 10 hangtud sa 15 ka tawo sulod lang sa usa ka tuig.
-- ADVERTISEMENT --
