GENERAL SANTOS CITY – Naka uniporme pa dihang gidakop ang usa ka magtutudlo sa Grade 8 dihang makorner sa gipahigayon nga buybust operation miaging gabii.
Matud ni Police Major Tirso Pascual sa City Drug Enforcement Unit nga dugay nang gipanid-an ang kalihukan sa nagpangalan ug Exequil Laurente Jr. 38 residente sa Rosario Village, Lagao ning syudad.
Gani sa talaan matud pa sa CPDEU anaa sa level 1 matud pa ang nahisgutan magtutudlo.
Pasado alas sais sa gabii atubang sa Queen Tuna Park nakigsabut matud pa nga mubaligya ug druga ang suspek sa kantidad ug P1,000 bugti sa usa ka sachet ug dihang natunol na ang putos sa druga ila na kining giposasan.
Matud ni Pascual nga laing napulo ka sachet pa ang kustusiya sa suspek nga nagkantidfad ug P11,000.00.
Lakip gisusi sa kapulisan ang posibilidad kung may kustomer nga mga estudyante ang nahisgutang magtutudlo.
