GENERAL SANTOS CITY – Mukabat na sa P805,000 nga hinabang ang natunol sa Department of Social Welfare and Development Region 12 sa mga biktima sa sunog sa Barangay South ning dakbayan.
Kini ang gibutyag ni Norhata Benito, hepe sa DSWD-12’s Disaster Response Assistance and Management Unit sa 166 ka pamilya nga mipasilong sa gymnasium sa Barangay Dadiangas South Elementary School.
Matud ni Benito nga ilang nahatag ang hygiene kits, banig ug duha ka family food packs sa matag apektado nga pamilya.
Ang matag food pack adunay unom ka kilo nga nga bugas og uban pa.
Gikadugang niini nga matag pamilya nahatagan ug P5,000 cash.
Gani nahatag kini atul sa presensya sa konseho sa Barangay kauban sa City Social Welfare and Development Office.
Kahinumduman nga usa ka 6 anyos nga batang babaye ang namatay sa maong dakong sunog samtang kapin gatus ang nasunogan.
