GENERAL SANTOS CITY – Miapela sa ilang mga silingan ang mga ginikanan sa dise sais nga tabangan sila nga mailhan ug matudlo ang suspek nga mipatay sa ilang anak.
Gisaysay sa mga ginikanan sa nagpangalan ug Maria teresa Perez nga dako matud pa ang pangandoy sa ilang anak nga mahaw-as sa kalisod.
Gikumpirma sa mga niini nga consistent honor student ang biktima.
Una nga gibutyag ni Police Capt. Robert Fores sa Tinagacan Police Station nga nagpaabut pa sila sa resulta sa paghiling sa scene of crime operatives nga kauban nagresponde sa Purok 4 Tinagacan kung asa nakita ang patay nga lawas sa biktima niadtong miaging adlaw human maanod sa baha.
Gani ila ng natugyan sa SOCO ang mga buhok nga nakuha sa kasagbutang bahin sa Purok 12 Domolok, Alabel Sarangani Province ang lugar kung asa didto gituhu-an nga gihilabtan ang biktima ug gipatay.
Kahinumduman nga wala maka-uli sa ilang pinuy-anan ang biktima human nagtugway ug baka anang adlawan pa.
Una nga gikumpirma ni Lt. Col. Teody Condesa tigpamaba sa Sarangani Provincial Police Office nga nag-imbestiga na ang Alabel Police Station sa maong panghitabo.
