GENERAL SANTOS CITY – Napuno sa pagpangdaug-daug ang usa ka OFW nga Gensanville Bula nga nagtrabaho nga katabang didto sa nasud Kuwait.
Gani naghilak kining giasoy sa Bombo Radyo ang pagpangdaug-daug gikan sa amo ug mga anak nga Kuwaiti.
Matud ni Cherry Oprio nga tulo ka tuig nang nagtrabaho apan niining mga ulahing mga adlaw kalit lamang matud pang nahimong bangis ang mga nahisgutan.
Kausa niana gisumbag matud pa kini sa amo nga babaye ug giyab-an ug tubig ug gilod-an ang iyang nawong.
ao usab ang natilawan niini sa anak dalaga kay gitokmod hinungdan nga nadakin-as sa banyo hinungdan nga mitug-an sa amo nga lalaki apan nasuko hinuon kini ngadto kaniya.
Nahadlok matud pa kini nga mureklamo basin ug siya pa hinuon ang ipadakop.
Gani nangayu na kini ug tabang sa TMJ agency sa Manila apan gi block hinuon kini samtang ang agency niini didto sa Kuwait mao ang Apha Gia Ali apan wala pay gihimong aksyon.
Dili usab kini makahimo pagtug-ans a embahada tungod wala kini kwarta tungod wala na siya giswelduhan sa iyang amo.
