GENERAL SANTOS CITY – May lima ka atleta nga ipadala ang dakbyana alang sa matigayong paralympics sa Mayo 24 hangtod 31 nga ipahigayon sa Malolos, Bulacan.
Gibutyag sa Bombo radyo ni Lady Manalo sa City Sports Division nga unang higayon kini kung asa mga partially blind og blind kon buta ang mudula para sa GenSan alang sa maong sports competition para sa mga may deperensya sa panglawas.
Dugang pa ni Manalo, mamahimong kabahin na sa programa sa lokal nga panggamhanan ang mga PWDs kon persons with disablities kung asa hatagan usab og parehong pagtagad sa syudad.
Giangkon ni Manalo nga excited na siya nga makasalmot ang mga PWDs sa matigayong paralympics.
Ang mga ipadalang atleta ang magdula sa athletics, swimming og goal ball. Usa niini ang gikuha sa Davao region apan mipauli sa dakbayan kay gusto niini nga irepresenta ang GenSan ug dili ang laing syudad.
