GENERAL SANTOS CITY – Dili pa gihapon pwedeng malubngan ang Antonio C. Acharon Memorial Park (ACAMP) nga kanhing Uhaw Public Cemetry.
Kini ang gibutyag ni Mary Ann Bacar, labaw sa City Housing and Land Management Office sa pakighinabi sa Bombo Radyo GenSan.
Sumala pa nga mga bata pa lang gihapon karon ang pwedeng dawaton sa nahisgutang sam-ang apil ang transfer, human nga gipasirad-an kini sukad kaniadtong Agosto miaging tuig.
Hinuon, giklaro ni Bacar nga may gigahin na nga P4.8 milyon nga budget ang lokal nga panggamhanan alang sa maong problema ug nasumite na nila sa City Engineer’s Office apan may problema pa sa program of work.
Gilauman matud pa nila nga masumite na kini sa Sangguniang Panglungsod, dayon ang procurement, aron masugdan na ang proyekto.
Gilauman usab matud pa nga sa Hunyo, makasugod na sila sa ipahigayon nga exumation, aron subli nang maka-able ang maong sementeryo ug mahimo nang mudawat ug mga bag-ong lubong.
Sumala pa nga sa maong budget, mukabat matud pa sa 480 units ang mahimo, ug human sa exumation, laing 1,200 units ang mamahimong available.
