GENERAL SANTOS CITY – Pulos mais karon ang hilabihang naapektuhan sa nasinatiang hulaw dinhi sa siyudad.
Matud ni Merlinda Donasco sa City Agriculture Office, upat ka mga barangay sa dakbayan ang natala nila nga labing naapektuhan sa hulaw.
Kini mao ang Bawing, Conel, Sinawal ug ang Upper Labay.
Sumala pa nga anaa sa 120.3 ka ektarya sa kamaisan ang natala nga apektado, kung asa kapin usa ka milyon ka pesos na ang damyos.
Gibutyag nga sa Bawing anaa sa 21 ka ektarya, sa Conel – 37.5; Sinawal – 39 ka ektarya ug sa Upper Labay anaa sa 22.8 ka ektarya.
Sumala pa nga wala pay mga kahumayan nga naapektuhan sa hulaw tungod padayon pa ang pag-agas sa irigasyon.
Apan giklaro ni Donasco nga Disyembre miaging tuig pa lang, nagpahimangno na sila sa mga mag-uuma nga dili na magtanum gumikan may hulaw nagpagahi ug ulo ang uban.
