GENERAL SANTOS CITY – Miabot na sa 356 kaso sa tipdas ang natala sa Region 12 sa 1st quarter sa 2019.
Base kini sa record gikan sa Regional Epidemiology and Surveillance Unit sa Depertment of Health (DOH) 12, gikan Enero 1 hangtod Marso 2.
Mas taas kini sa 10% gikan sa 325 nga natala niadtong 2018 sa parehong panahon.
Pinakadaghang measles cases ang natala sa probinsya sa South Cotabato nga miabot sa 98.
Ikaduha ang Sarangani nga adunay 79 measles cases; ikaupat ang North Cotabato nga may 64; 56 sa GenSan; 43 sa Cotabato City; og 16 sa Sultan Kudarat.
Tulo ka bata na ang natalang namatay, na may edad na 4, 9 og 10 bulan lamang og pulos mga babae.
Gikanayong 73% sa mga nakaangkon og tipdas ang wala gayud nabakunahan sa anti-measles vaccine.
Padayon usab ang ginahimong mass vaccination sa DOH-12 sa tibuok rehiyon aron batukan ang naasoyng makamaatay nga sakit.
