GENERAL SANTOS CITY – Gikumpirma ni Jeny Tedira, Acting Regional Director sa Bureau of Local Governance Finance Region 12 nga nagpagawas sila og special memorandum circular ngato sa tanang mga city, municipal og provincial treasurers of assessors sa tibuok rehiyon.
Kini aron manduan ang mga nasampit nga dili musulod sa unsa mang illegal investment company nga kung asa walay lisensiya sa sa Security and Exchange Commission (SEC) o sa uban pang ahensiya sa gobyerno.
Sumala pa, daghang treasurer ang endorser usab sa approval sa business permits sa company og ang ilang gikabalak-an nga basin magamit ang pirma nila sa pag-apruba sa investment company nga dili tinuod.
Gibutyag ni Tedira, obligasyon sa treasurers og assesors nga tudloan ang mga tawo nga mangita sa tinuod og tama nga investment companies aron malikay nga mailad.
Hinungdan nga gibutyag ni Tedira, ang mga public servants ang angayang dili malambigit sa unsa mang investment schemes.
Pahimangno usab sa mga katawhan nga mag-amping og kung gustong mahaw-as sa kalisod og gustong musaka ang panginabuhi angayang maningkamot.
