GENERAL SANTOS CITY -Walay klase og trabaho ang mga empleyado sa gobyerno ning adlawa gumikan gideklarang special non-working holiday dinhi sa dakbayan.
Alayon kini sa ika-80 ka tuig nga founding anniversary ug ika-30 nga pagsaulog sa Kalilangan,base sa Presidential Proclamation No. 670 nga pirmado ni Executive Secretary Salvador Medialdea.
Ang naasoy’ng proklamasyon aron hatagan ug kahigayunan ang mga katawhan sa siyudad nga makigduyog sa naasoy’ng kasalugan nga pormal nga mag-able ning adlawa.
Kaganihang kaadlawon gipahigayon ang Parada ng Lahi sa Pioneer Avenue sa sentrong bahin sa siyudad, nga gisalmutan sa mga opisyal sa lokal nga panggamhanan, ahensya sa gobyerno, ug uban pang mga stakeholders.
Gisundan kini sa usa ka programa sa Plaza Heneral Santos.
Ubay ubay nga mga aktibidad ang pwedeng suroyan kung asa hugot usab nga seguridad ang gipatuman sa kapulisan kaabag ang militar og uban pang force multipliers.
Hinuon giawhag ang tanan nga mahimong magbinantayon sa palibot og gilayong ireport sa kapulisan ang unsa mang butang o tao nga may kadudahang lihok aron diha-diha marespondihan.
Mulungtad ang Kalilangan 2019 hangtod Marso 3 nga mao ang culmination day.
