-- ADVERTISEMENT --
GENERAL SANTOS CITY – Patay ang usa ka 14-anyos nga lalaki human mibigay ang gikumbayutan nga basketball ring.
Nagkadugo nga gidala sa Socsargen County Hospital ang biktima nga si John Paul Panerio, 14-anyos, residente sa Guijo St., Balite, Lagao, ning siyudad, nga nakabsan sa kinabuhi pipila ka oras human sa insidente.
Una niini, pauli na matud pa ang biktima kauban ang usa ka higala alas-10:30 kagabii dihang mihapit sa basketball court sa Agan Centro, Lagao.
Gilayon matud pa kining midagan ug nagkumbayot sa ring, apan mibigay kini ug nahagbong ang batan-on ug nadat-ugan ang ulo sa naibot nga ring.
Gikabutyag nga aksidente ug walay foul play ang nahitabo.
-- ADVERTISEMENT --
