-- ADVERTISEMENT --
GENERAL SANTOS CITY – Hugot na ang pagpangandam sa DepEd 12 alang sa matigayon nga SOCCSKSARGEN Regional Athletic Association (SRAA) Meet 2019 ipahigayon sa Kiamba, Sarangani.
Sa pakighinabi sa Bombo Radyo kang Jojo Duhilag, physical education sports supervisor sa DepEd-12, gibutyag niini nga 90% na silang andam alang sa naasoy’ng tinuig nga torneyo, kung asa ang ubang mga division ang nagpadala nang daan ug advance party sa venue ug sa mga billeting schools aron mangandam ug magpatukod sa ilang mga kusina ug uban pa.
Padayon usab matud pa ang pagprepara sa mga pasilidad nga gamiton sa mga delegado.
Kahibaluan nga sa Pebrero 17, adlaw’ng Dominggo, matigayon ang opening ceremony sa SRAA Meet 2019, ug mahuman sa petsa 22, adlaw’nmg Biyernes.
