GENERAL SANTOS CITY – Dili pa gihapon pwedeng malubngan ang Antonio C. Acharon Memorial Park hangtod sa pagkakaron.
Kini ang gibutyag ni Mary Ann Tan Bacar, labaw sa City Housing and Land Management Office ug incharge sa nasampit nga pampublikong sementeryo.
Kini gumikan wala matud pa nagahinan ug pondo sa lokal nga panggamhanan miaging tuig.
Sumala pa nga luyo nga may gigahin na nga pondo sa tuig 2019 apan dili pa kini hingpit nga mapatuman gumikan may himuon pang proseso.
Posibleng madugayan matud pa nga subling malubngan sa mga edaran ang ACAMP tungod sa naasoy’ng proseso.
Hinungdan nga mga bata lamang una ang pwedeng ilubong didto sa pagkakaron.
Tungod niini, ang pwedeng ilubong sa mga dili makakaya sa mga pribadong sementeryo sa ubang mga pampublikong sementeryo sa dakbayan sama sa Bawing, San Jose, Mabuhay, Conel ug uban pa.
