GENERAL SANTOS CITY – Misaad si PBA party-list Rep. Jericho Nograles nga atangan ug bantayan nila katambayayong ang mga otoridad ang issue kalabot sa Kabus Padatuon (KAPA) Community Ministry International, Inc., nga nalambigt matud pa sa large-scale investment fraud.
Kini luyo nga dili pa makapahigayon ug congressional inquiry ang Kamara batok sa KAPA gumikan mag-session break na sa Kongreso.
Sa pakighinabi sa Bombo Radyo, gihingusgan ni Nograles nga iligal ang “modus” nga ginahimo sa KAPA nga gina-engganyo sa katawhan nga mag-invest kanila bugti sa interest income.
Matud kang Nograles, ginabawal sa balaod ang susamang investment scheme hilabi pa nga nakalatid sa registration sa KAPA sa Securities and Exchange Commission nga usa sila ka religious organization ug investment organization.
Gibutyag usab ni Nograles nga nagpagawas usab ug advisory ang SEC kaniadtong Oktubre kalabot sa iligal nga operasyon sa KAPA, apan walay law enforcement operation nga gihimo aron maundang kini.
Samtang, nanawagan usab ang kongresista sa mga nagplano pang mag-invest sa KAPA nga dili na mudayon pa.
Una nang miapela si Nograles sa NBI nga bungkagon pa ang KAPA dahil sa large-scale investment fraud na kinasasangkutan nito.
