Patay’ng lawas sa 6 yrs old babaye nga anak sa pulis nakaplagan nga adunay kadena sa liog

GENERAL SANTOS CITY – Nahimong misteryoso alang sa mga ginikanan ang pagkamatay sa ilang anak nga usa ka 6 yrs. old nga batang babaye.

Wala una gipanganlan ang biktima tungod nagpadayon pa ang imbestigasyon sa Makar Police Station kung asa ang amahan sa bata usa ka pulis nga nadestino sa San Isidro Police Station.

Sa nakuhang impormasyon sa Bombo Radyo GenSan, nasayran nga wala nay kinabuhi dihang makaplagan ang biktima sulod sa ilang balay.

Nakasandig kini sa grills duol sa playhouse nga adunay kadena sa iro nga nakahigot sa liog niini.

Padayon ang imbestigasyon sa kapulisan sa maong insidente.