GENERAL SANTOS CITY – Sama sa naandang himuon, magpahigayon og Chinese lion dance sa City Hall ang dance group gikan sa South Cotabato Filipino Chamber of Commerce and Industry Incorporated alayon sa kasaulogan ning adlawa sa Chinese New year.
Sa impormasyon nga taliwala sa alas 8 sa buntag hangtud alas 9:00 sa buntag ang Chinese lion dance. Sulod na sa pipila ka tuig gihimo ang maong aktibidad sa City Hall kung asa daghan usab ang nalingaw.
Base sa Proclamation No. 555 Series of 2018 sa Malakanyang, gideklara nga holiday ning adlawa adlaw nga Martes.
Ang maong proklamasyon sa gobyerno isip paghatag og pagtagad og pakighiusa ngadto sa kasaulogan sa Chinese New Year sa mga kaigsuonang Filipino Chinese.
Kini usab aron kahatagan og panahon ang mga nasampit nga saulogon ang maong okasyon.
