GENERAL SANTOS CITY – Nagpaklaro ang LGU GenSan kalabutan sa kalibog sa gipatumang speed limit sa syudad.
Matud pa ni City Administrator Atty. Arnel Zapatos nga sa national highway ipatuman ang 60 kilomter per hour nga speed.
Gikadugang pa niini nga daghan ang mga pedestian lane kung asa butangan og signage nga angayang mag slowdown.
Sa isyu sa tapad sa NDDU sa national highway sa bahin sa traffic light tanggalon ang maong karatula gumikan nornal usab nga kung anaa sa traffic light magslowdown ang sakyanan.
Angayang hugot na nga ipatuman ang speed limit sa syudad gumikan ubay-ubay na ang disgrasya nga natigayon sa syudad.
Sa data gikan sa City Disaster Risk Reduction and Management Council nga anaa sa 486 ka aksidente ang natigayon.
Gibutyag ni Atty. Zapatos nga ang pagpatuman sa speed limit ang kabahin kini sa pagplastar sa transportasyon sa syudad.
Kahibaluan nga sa ipatumang speed limit sa syudad anaa sa 60 KPH sa national highway, 30 KPH sa city streets og 20 kph sa school zone.
