GENERAL SANTOS CITY – Anindot ang dagan sa training ni WBA welterweight Champion Manny Pacquiao didto sa Wild Card Gym sa LA.
Matud ni Dodong Donaire nga naa gihapon ang kapaspas sa mga gipangbuhi-an nga kinumo bisan ug edaran na.
Samtang sa nagkaduol niini nga away kang Adrien Broner mao gihapon ang routine sa pagbansay ni Manny mao ang pag jogging sa Griffith Park kuyog ang Team Pacquiao ug pagkahapon ang sparring session kuyog ang tulo ka mga boksidor nga silang George Kambosos Jr., Lydell Rhodes ug Arnold Gonzalez.
Gani nagpahugot na sa seguridad ang Team Pacquiao human masinati-an ang hilabihan katugnaw nga temperatura sa Los Angeles human giangkon nga daghan ang nagsakit aron dili matakdan si Pacquiao sa mga buot mubisita kaniya sa iyang training camp lakip sa iyang hotel.
Matud niini nga walay snow pagka karon didto apan kung buntag hilabihan katugnaw ang temperatura sa palibut.
Giuyunan usab niini ang pahayag ni Bobby Pacquiao nga nakab-ot na ni Manny ang 100 % nga pagpangandam alang sa away niini kang Broner .
