GENERAL SANTOS CITY – Andam nang depensahan ni reigning World Boxing Association (WBA) Welterweight champion Manny Pacquiaon ang iyang titulo batok kang Adrien Broner.
Kini ang gibutyag ni Head Coach Buboy Fernandez human nga nakab-ot na sa fighting senator ang 100 percent nga kondisyon ug kaandam.
Kahibaluan nga nahuman na si Pacquiao sa 12 rounds nga sparring sessions kauban ang tulo ka spar mates, nga gisundan sa upat ka rounds sa punch mitts kauban si Coach Buboy, gawas pa sa double-end bag ug speed bag.
Hinungdan nga human maabot ang peak condition, magsugod na usab ang Pinoy ring icon nga paubsan na ang lebel sa training aron malikayan nga ma-burnout.
Ang Pacquiao-Broner bout ang matigayon sa MGM Grand Garden Arena sa Las Vegas, Nevada, sa Enero 20.
