GENERAL SANTOS CITY – Gitimbaya ni eight-ivision world champion ug Sen. Manny Pacquiao ang kaubang Pinoy boxer nga si four-division world champion Donny Nietes sa nahimong kalampusan nini nga masakmit ang WBO junior bantamweight title human sa ulahing away kaniadtong Disyembre 31.
Kini dungan sa pagpangandam sa fighting senator alang sa nagkaduol nga WBA welterweight title defense niya batok kang American boxer Adrien Broner sa Enero 19.
Gikabutyag nga heavy training week na karon alang sa Team Pacquiao, nagpadayon nga training camp ni Pacman sa Los Angeles, California.
Kini gumikan ning semanaha gilaumang makab-ot na ang 100% nga kondisyon sa Pinoy ring icon, dayon sunod semana, anam-anam nang paubsan ang lebel sa pagbansay niya aron usab dili ma-overtrain.
Matud ni Pacquiao, naghinam-hinam siyang i-push ang kaugalingon hangtod sa iyang limitasyon, aron makab-ot ang gikinanglan nga kondisyon aron pildihon si Broner sa MGM Grand Arena sa Las Vegas, Nevada.
