GENERAL SANTOS CITY – Wala na nakauli human unta nag-kampeon sa sabong ang usa ka lalaki human gipusil kauban ang duha ka higala, sa naka-motorsiklo nga mga suspek.
Natigayon ang insidente alas-9:30 kagabii atubangan sa sabungan sa national highway Brgy Apopong ning siyudad.
Giila ang napatay nga biktima nga si Roldan Luche, 44-anyos, taga-Prk Sto. Niño, Brgy Cannery Site, Polomolok.
Maneho niini ang usa koa Hyundai Accent kauban silang Antionio Cuan Jr. ug Rey Pardillo ug pagawas na unta sa compound sa sabungan dihang gipangpusil sa mga naka-motorsiklo nga suspek gamit ang caliber 45 pistol.
Nadala pa sa balay-tambalanan ang mga biktima, apan gideklaranag dead on arrival si Luche, samtang padayong nagpaalim ang duha niya ka kauban.
Narekober sa crime scene ang pito ka basyo ug tulo ka slug sa caliber 45 pistol.
Nasayran nga si Luche ang may kanhing kaso may kalabutan sa iligal nga droga ug iligal nga paghupot ug armas sa Polomolok, butang nga usa sa ginatan-aw sa kapulisan nga posibleng motibo sa pagpamusil.
