GENERAL SANTOS CITY – Human ang duha ka adlaw nga day -off, nakabalik na sa boxing ring sa Wild card gym si Senator Emmanuel ‘Manny’ Pacquiao og nagpahigayon og training kagahapon isip pagpanganzdam sa nagkaduol niini nga engkwentro kang Adrien Broner sa Amerika.
Sa interview sa Bombo Radyo GenSan, gibutyag ni Coach Buboy Fernandez, 8 rounds sparring session ang gipahigayon sa Fighting senator kagahapon kay Greek-Australian professional boxer George Kambosos og sa Boxer og Philippine Champion Jerich Chavez.
Matud kang Fernandez, ang sparring session magpadayon sa Biyernes kung asa magpabilin pa sa 8 rounds samtang musaka na sa 10 rounds sa Lunes.
Sa iyang pamahayag, anaa sa peak na matud pa ang pagbansay sa Pinoy ring icon tungod kusog na ang kondisyon sa lawas niini bisan pa nga gihatagan ug duha ka adlaw nga day-off sa pagbansay gumikan sa pagsaulog sa iyang adlaw’ng natawhan niadtong Lunes.
Dugang pa ni Coach Buboy, walay nakita nga problema sa stamina sa senador nga kinahanglan na lamang imintina kung asa 85% na kini nga kondisyon.
Samtang, dali matud pa nga kalaban si Adrien Broner.
Kini ang pahayag ni Assistant coach Nonoy Neri tungod matud pa dili counter puncher si Broner.
Matud pa niini, 2 punches lang ang nahibaloan sa kalaban nga maoy ilang nakit-ang ‘weakness’ sa nasampit apan bentaha kay Pacquiao sa engkwentro.
Hinuon, gibutyag ni Neri nga dili gihapon sila angayang magkumpiyansa bisan nagtuo nga mau knockout nga mahitabo.
Sa pamahayag niini, gawas sa ginahimo nga game plan gitun-an karon sa Team Pacquiao unsa pag-counter kay Broner human nga nakit-an ang estilo sa pagsumbag sa mga videos sa nangagi nga mga pakigsangka niini.
Gibutyag ni Neri nga kinahanglang mag-focus og mag-double time sa training si Pacman og dugangan pa ang mga sparring aron makabawi gikan sa pipila ka adlaw nga walay training.
Sa pahayag niini walay problena sa stamina, endurance og resistance sa senador tungod namintina niini tungod sa pagbasketball.
Hinuon, angayang isustinir lamang aron dili dayon kapuyon.
Sa Sabado Disyembre 22 ang gilauman nga biyahe sa Team Pacquaio sa Manila una mudiretso na sa US.
