GENERAL SANTOS CITY – Mukabat sa P5 milyon ang gibanabanaang kantidad sa damyos human maugdaw ang usa ka mansyon sa Brgy Lagao sa likod nga bahin sa Dr. Jorge P Royeca Hospital, luyo sa makusog nga ulan, Lunes sa gabii.
Matud kang SFO1 Makakuna Tumambiling sa Bureau of Fire Protection-GenSan, alas-7:19 kagabii dihang nakadawat sila ug report kalabot sa sunog, kung asa giila ang tag-iya sa maong mansyon nga si Joseph Ilihay, usa ka iladong negosyante nga nanag-iya ug mga meat shops sa siyudad.
Matud pa, walay nasunog ang tibuok mansyon, apan maayo na lang nga wala naabot ang mga kotse ug sakyanan. Sa inisyal nga imbestigasyon, gikabutyag nga nagsugod ang kalayo sa second floor sa kwarto sa anak ni Ilihay.
Milungtad matud pa ug tunga sa oras ang pagpatay sa sunog, kung asa lima ka truck sa bombero ang nagtinabangay.
Hinuon, walay tawo nga naangin o nasakitan sa sunog. Padayon karon ang imbestigasyon sa naasoy’ng insidente.
