GENERAL SANTOS CITY – Jam-packed ang Veranza ug KCC Mall kagabii gumikan dahil sa bongga nga 40th birthday party ni Fighting Senator Manny Pacquiao, Lunes, Disyembre 17.
Kini luyo sa hilabihan ka kusog nga buhos sa ulan ug pagbaha sa gawas mismo sa venue, kung asa dili mahulugan ug dagom ang sulod ug palibot sa mall, ug daghan sa mga bisita ang wala na nakasulod sa mismong venue sa KCC Events and Convention Center.
Kahibaluan nga pipila sa mga bisita ay nakapwesto sa pipila nga bahin ug kan-anan sa mall, samtang ang mga VIPs ang sa convention center nga maoy sentro sa mga programa.
Gisugdan kini pinaagi sa praise and worship.
Gikagubtan usab ang pipila sa mga dagkong bisita sama sa mga senador, ug mga magbabalaod, Special Assistant to the President Bong Go, kanhing BuCor chief Retired General Ronald Dela Rosa, apil na ang bag-uhay lamang nakagawas sa bilangguan nga si kanhing Sen. Ramon Bong Revilla Jr..
Daw sa miundang ang tanan dihang miabot ug naghatag sa iyang mensahe si Pangulong Rodrigo Duterte, nga gitimbaya ang fighting senator, ug subling nanawagan sa iyang kampanya batok sa iligal nga droga ug kurapsyon.
Sa iyang birthday message, gidayeg ug gipasalamatan ni Sen. Pacquiao ang Diyos sa tanan niyang naabot ug nasakmit nga kalampusan.
Gihinumdum usab niini ang iyang mga kaagi, kung asa wala matud pa nagdahum nga ang usa ka bata nga namaligya lamang kaniadto ug donut ug pandesal ang makab-ot ang kaharuhay ug kalampusan nga iyang natagamtaman karon.
Hilabihan usab ang kalipay sa mga nakadaog sa upat ka kotse, mga motorsiklo ug kapin gatus nga mga appliances sa pa-raffle ni Pacman, kung asa kadaghanan ang naggikan sa mga paryente nila, mga higala ug mga pulitiko, ug mga kaubanan sa Team Pacquiao.
