-- ADVERTISEMENT --
GENERAL SANTOS CITY – Gitay-og sa magnitude 4.7 nga linog ang Sarangani, Davao Occidental kagahapon sa hapon.
Base sa report sa Philippine Institute of Volcanology and Seismology kon Phivolcs, natigayon ang maong pagtay-og alas-4:13 sa sentro nga P174 kilometros sa habagatang-sidlakang bahin sa nahisgutang lugar.
May gilawmon kini nga 89 kilometros ug tectonic ang sinugdanan kon paglihok sa mga tectonic plates ilawom sa yuta.
Hinuon, walay natala nga nasamdan nga tawo o kaha mga kabtanan nga nadaot tungod sa maong linog, gumikan nahitabo sa may bahin sa dagat.
Wala usay natala nga aftershocks o kaha tsunami warning.
-- ADVERTISEMENT --
