GENERAL SANTOS CITY – Mukabat sa 500 board feet sa mga ginabas nga kahoy ang narekober sa mga ginsakpan sa 27th IB Philippine Army sa Kapati, Kiamba, Sarangani Province.
Kini ang gikumpirma sa Bombo Radyo sa ilang battalion commander nga si Lt. Col. Jones Brisal Otida.
Una niini, nakadawat matud pa sila ug report kalabot sa nahisgutang mga ginabas nga kahoy, hinungdan nga ilahang giadtuan ang lugar ug naabtan ang matud pa mga ginabas nga Lawaan.
Tungod blangko sa tag-iya sa nahisgutang mga kahoy, giturn-over na lamang kadto sa kasundaluhan ngadto sa Municipal Environment and Natural Resources Office kon MENRO.
Samtang, dungan niini, nanawagan ang nahisgutang opisyal ngadto sa mga rebelde nga nagpabilin pa sa kabukiran nga mukanaog na lang ug mutahan sa gobyerno una pa man ang Pasko o kaha Bag-ong Tuig, gumikan andama ang gobyerno sa pagtabang kanila.
