GENERAL SANTOS CITY – Naugdaw ang duha ka balay human masunog human matud pa maigo sa kilat kagahapon sa hapon sa Brgy Mabuhay, GenSan.
Base sa report, una ang insidente, kusog matud pa kaayo ang kilat dungan sa kusog kaayo nga ulan, ug walay kuryente kaniadtong tungura.
Kalit na lamang matud pa nakasimhot ug aso ang tagbalay, ug didto na nagsugod ang pagkalayo hangtod nga gilamoy ang tibuok balay nga ginama sa light materials.
Gipanag-iyahan matud pa ang maong panimalay ni Emma Timbal, kung asa paspas matud pa ang panghitabo ug wala silay bisan unsang butang o gamit nga naluwas gawas sa ilang gisul-ob nga sapot.
Hinuon, luwas ang tanan nga nagpuyo sa balay lakip ang balay sa anak nga si Jonathan Impal nga anaa sa tapad og naangin usab sa sunog.
Gilayong miresponde ang mga taga-barangay ug ang mga otoridad. Sa karon gipaabot pa ang kinatibuk-ang kantidad sa damyos sa nahisgutang sunog.
