GENERAL SANTOS CITY – Magsugod na karong adlawa ang GenSan Business Forum 2018.
Matud ni Leonard Flores, Department Head sa City Economic Management and Cooperative Development Office kon CEMCDO, usa kini ka investment conference kung asa ubay-ubay ang giimbitahan nga mga bisita gikan sa national office sama sa DOT, NEDA, MINDA, Office of the President og daghan pa.
Lakip sa mga gikatakdang hisgutan mao ang Investment Opportinities in Agri-business sector, Investment Opputunities in Tourism, Investment oppurtunities on Housing and Real Property ug uban pa.
Giimbitahan usab matud pa ang nagkadaiyang mga negosyante sa siyudad ug sa laing mga lugar sa Pilipinas, lakip na usab sa foreign chambers.
Gikabutyag nga ang GenSan Business Forum ang labing dakong panghitabo sa siyudad sa natad sa investment.
Usa matud pa kini ka pagpangandam alang sa pangandoy nga mahimong “Metropolitan GenSan” ang siyudad pag-abot sa panahon.
