GENERAL SANTOS CITY – Padayong giimbestigahan sa kapulisan ang labing ulahing duha ka managlaing pagpamusil dinhi sa siyudad.
Kahinumduman nga dead on arrival sa tambalanan ang delivery man sa usa ka courier company nga si Kevin Yntig, human gidul-it ug pusil sa ulo sa wala pa mailhing suspek, samtang anaa sa iyang panimalaty sa Toledo Subdivision, Brgy City Heights.
Gikabutyag nga personal grudge ang ginatan-aw nga posibleng motibo sa krimen gumikan wala matud pay recod sa kapulisan ang biktima.
Samtang, angol usab ang usa ka lola nga gapapili sa pagka-purok kagawad sa Prk Cahilsot, Brgy Calumpang ning siyudad.
Giila ang biktima nga si Luz Purazo, 58-anyos.
Kini human gipusil sa riding in tandem kagahapon sa buntag, samtang gamaneho ang biktima sa iyang sikad aron ihatod ang duha ka apo sa tulunghaan.
Gisundan matud pa kini sa mga suspek nga riding in tandem ug gipusil sa makadaghan ka higayon, dayon paspas nga misibat.
Samtang gilayong nasikop ang usa sa mga suspek nga si Jephan Candado, 30-anyos, taga-Prk San Miguel Calumpang.
