GENERAL SANTOS CITY – Matigayon sa Nobyembre 8, adlaw’ng Huwebes, ang “1st Local Centenarian Payout” dinhi sa dakbayan.
Kini sa pagpanguna sa Office of the Senior Citizens Affairs kon OSCA, isip paghatag ug pag-ila sa mga centenarians sa siyudad.
Ipahigayon kini sa Model Senior Citizens Center sa CSWDO compound, alas-9:00 sa buntag.
Sa maong higayon ipanghatag na sa 17 ka mga centenarians ang P100,000 nga gikan sa lokal nga panggamhanan.
Lain pa kini sa P100,000 nga gikan sa national government.
Una nang gibutyag sa Bombo Radyo ni Celso Mendoza, labaw sa OSCA, nga kadtong bedridden na o dili makaadto sa venue, ilang pangitaan ug pamaagi nga mahatag.
Samtang kadtong namatay na nga centenarians o nakaabot sa edad nga 100 years old ang ihatag gihapon sa iyang pamilya o kinsa ang nag-atiman basta nalakip ang ilang pangalan sa listahan nga nakatuman sa mga rekositos.
