GENERAL SANTOS CITY – Nanawagan ang San Isidro Police Station niadtong nawad-an og kabanay nga makig-alayon sa ilang presinto og susihon ang patay nga lawas sa usa ka usa ka lalaki nga anaa karon sa usa ka punerarya tungod basin ilamang minahal sa kinabuhi.
Kahibaluan, wala pay ilhanan ang biktima human nga nakaplagan kini sa kasagbutang bahin sa Purok 4 Mabuhay ning syudad.
Nakagapos sa likod nga bahin ang mga kamut sa biktima samtang nakaputos ug cellophane ang ulo sa biktima. Naabtan sa kapulisan ang patay nga lawas sa bikima nga nagbuy-od sa lugar ug wala nay kinabuhi.
Gikabutyag nga naagian sa gapanugway ug baka ang patay nga lawas sa biktima hinungdan nga gireport sa kapulisan.
Nasuta nga adunay samad pinusilan sa ulo ang biktima nga gituohan sa kapulisan nga sa laing lugar gipatay og igo ra gilabay sa Brgy. Mabuhay. Padayon ang pagpangalap og impormasyon sa kapulisan aron mailhan ang biktima.
