GENERAL SANTOS CITY – Napakyas ang Gensan boxer nga si Randy Petalcorin sa tiyansa nga mahimong sunod nga Filipino world champion human gipildi sa kalaban nga si Felix Alvarado nga taga Nicaragua pinaagi sa knockout sa ilang engkwentro sa Midas Casino and Hotel in Pasay City kagabie.
Kaduha ka higayon matumba si Petalcorin una nga hingpit nga nakaluhod sa 7th round hinungdan nga gihunong na sa referee ang away human gi-iphan ug napulo aron ihatag ang bakanteng International Boxing Federation light flyweight belt kang Alvarado.
Ang tipik sa deklarasyon sa pagdaug ni Alvarado batok kay Petalcorin.
Sa pakighinabi sa Nicaraguan boxer, gibutyag niini nga dili usab basta basta nga kaatbang ang Gensan boxer tungod usa ka maayong boksingero.
