GENERAL SANTOS CITY – Kustodiya sa GenSan Traffic management Unit ang driver sa Isuzu jeepney nga nakabanggaanay sa motorsiklo sa Baluan ning syudad kagahapon nga nagresulta sa pagkamatay sa driver sa motor og usa ang samaron.
Sa imbestigasyon sa kapulisan, ng ang motorsiklo may plate number 2152 LL nga maneho ni Gregorio Bernie Tito nga taga Sugod Apopong ang gikan sa Buayan og paingon sa Lagao.
Samtang ang isuzu jeepney may plate number LCD 643 nga maneho ni Gonzalo Baluwag nga taga Townsite Buayan paingon sa Buayan gikan sa Lagao gamit ang inner lane.
Nagsunod kini sa L 300 van apan ang van kalit nga nag-break hinungdan nga gilikayan nga mabangga sa likod nga bahin sa van. Dihang paglikay gikasugat usab ang usa ka commuter van hinungdan kalit gikurbada ang dagan.
Apan pagbawi niini, gikasugat sa middle lane ang motorsiklo hinungdan sa aksidente. Tungod sa insidente, nalagpot ang motorsiklo apil ang mga sakay niini.
Daling gidala sa ospital ang driver apanm gideklarang patay na samtang ang pasahero niini nga si Jerry Juanico Arguilles, 33, taga Sugod Apopong ang nakaangkon og samad sa ulo og bali sa tiil.
Giandam sa TMU ang mga dokumento sa pagpasaka og kaso sa driver sa isuzu jeepney luyo nga gipaabot pa nga mubalik sa ilang opisina ang kabanay sa namatay nga biktima.
