GENERAL SANTOS CITY -Adunay mukabat sa 800 ka ektarya sa shrimp fishpond, samtang 480 ka ektarya ang sa GenSan. Gumikan niini, tumong nga mas palambuon pa ang shrimp industry sa Gensa ug Sarangani pinaagi sa nagpadayong 2nd Mindanao Shrimp Summit dinhi sa siyudad.
Nasayran nga anaa sa 24 ka kompanya sa Sarangani ang ganegosyo ug pasayan ug 11 sa GenSan, rason nga makonsidera nang shrimp capital sa Region 12 ang sarangani.
Una nang gibutyag nga anaa sa 12m kilos ang production matag tuig sa Gensan ug Sarangani kung asa anaa sa 12 ngadto sa 15 tons ang ginapadala matag adlaw sa Kauluhan.
Gikabutyag usab nga daghan na sa mga anaa sa tuna industry ang nagnegosyo na usab ug pasayan.
Kahibaluan nga kini na ang ikaduhang higayon nga naghost ug Mindanao Shrimp Summit ang siyudad.
Matud pa nga anaa sa 12 million kilo matag tuig ang mahimong maproduce gumikan usa ka dakong industriya, sa fishport maghimo na ug shrimp processing. Nasayran nga ang Pilipinas ang ikaupat nga producer sa pasayan sa tibuok Asya nga gipangunahan sa Thailand, Indonesia, China ug Pilipinas.
