GENERAL SANTOS CITY- Subling nagpahimangno ang mga otoridad ngadto sa publiko nga dili gayud magmaneho nag naka-inom aron makalikay sa mga disgrasya sa dalan.
Kini human nga usa ang patay usa usab ang angol dihang mibangga ang usa ka motorsiklo sa nakaparada nga boomtruck, sa Fil-Am Rd ning siyudad.
Kahibaluan nga ang namatay giilang si Benli Flores, residente sa Purok Bayanihan, Brgy Fatima ning dakbayan, nga maoy nagmaneho sa motorsiklo.
Samtang nadala sa tambalanan ang ig-agaw niini nga si Mark Albarque, residente usab sa nasampit nga lugar.
Base sa imbestigasyon, pasado alas-9:00 miaging gabii, gihatod sa duruha ang usa ka classmate.
Nabangga sa gisakyan nilang motorsiklo ang usa ka nakaparadang boomtruck sa Fil-Am Rd.
Sa kakusog sa pagbangga, napasok ilawom sa truck ang duha ka biktima, ug gilayong gibakwian sa kinabuhi si Flores.
Samtang samad sa ulo ug lawas ang naangkon ni Albarque hinungdan nga nadala sa ospital.
Nasayran nga adlaw’ng natawhan kanaidtong tungura ni Flores, hinungdan nga pulos naka-inom ang duha ka biktima.
