GENERAL SANTOS CITY – Gikatakdang magpahigayon ug City Census 2018 ang buhatan sa City Population Management Office.
Matud ni Judith Janiola gikan sa CPMO, usa kini sa ginatutukan nila karon sa ilang buhatan, kung asa gilaumang masugdan kini una mahuman ang bulan sa Oktobre, hangtod sa Disyembre.
Hinungdan nga lauman matud pa nga sa mga musunod nga adlaw, may mga enumerators sa manuktok sa mga balay-balay, aron kuhaon ang mga impormasyon sa matag pamilya ug tagbalay.
Ipahigayon usab ang Community Base Monitoring System ilabi sa migration o kon pila na ka tawo ang nagpuyo karon sa syudad gikan sa laing mga lugar.
Lakip usab nga sayron ang health aspect, basic profile sa mga gapuyo kung pila sila ka buok og sila ba ang tag-iya sa lote nga gipuy-an.
Hinungdan nga nanawagan si Janiola sa publiko nga pasudlon sa matag panimalay ang mga enumerators, nga pulos nagsul-ob ug ID ug may dala nga mga angkadaiyang dokumento.
Nasayran nga base sa 2015 census, mukabat na sa 594,400 nga popolasyon sa GenSan.
Gikabutyag nga kung anaa sa 2.01% matag tuig ang population growth rate, gibanabanaang anaa na sa 631,057 ang popolasyon ning tuig 2018 sa siyudad.
