GENERAL SANTOS CITY – Gisiguro ni USec. Joel Sy Egco, task force Executive Director sa Presidential Task Force on Media Security (PTFoMS) nga mamahimong patas, makatarunganon og ‘objective’ sa ipahigayong imbestigasyon may kalabotan sa gikaingong entrapment kang Jonathan “Janjan” Macailing, Station Manager og Salvador “Boy” Galano, Anchorman and News Director sa Bombo Radyo GenSan.
Sa pahayag ni Egco subay sa statement nga gipagawas sa PTFoMs, gibutyag ni timbang-timbangon ang mga alegasyon og kontra-alegasyon base sa nakalap nga mga ebidensiya o sirkumstansiya.
Matud pa, himuon nilang basehan sa mga resulta og rekomendasyon may kalabotan sa insidente ang pag-angkon ug transparency og hustisya.
Kahibaluan, nahidangat kagahapon sa dinhi sa dakbayan ang Fact-Finding Team og nagpahigayon og imbestigasyon sa insidente.
Lakip niini si Atty. Jay C. De Castro, ang Legal Consultant sa PTFoMS; PCOO Media Security Consultant Superintendent (Ret) Rechie A Duldulao; og Chief Special Agent Shariel C Paulino.
Gibisitahan sa mga nahisgutan ang Bombo Radyo GenSan og opisina sa NBI-SARDO og gikuhaan og mga pahayag ang matag kampo may kalabotan sa insidente.
Isip kabahin sa imbestigasyon, i-review sa PTFoMS team ang mga nakalap nga CCTV footages nga dakong tabang sa pagsuta sa kamatuoran.
