POLOM0LOK, SOUTH COTABATO- Gilayong milihok ang lokal nga panggamhanan sa Polomolok South Cotabato aron sutaon ang kalabotan sa natigayong paghungaw sa ammonia sa usa sa pasilidad sa DOLE sa Sta Cruz Cannery, Polomolok South Cotabato.
Matud ni Mayor Honey Lumayag Matti, nakigpulong kaniya ang safety officer sa maong kompanya nga miangkon nga aksidenteng mipalyar ang makina hinungdan mihungaw ang ammmonia.
Gisiguro kaniya sa kompanya nga abagahon ang tanang galastuhon sa dul-an 20 ka tao human nga nadala sa ospital human makasinate ug pagpanakit sa ilong nga nakasimhot matud pa sa ammonia og dayon nalipong.
Ang uban sa mga biktima ang nagsuka-suka og naglisod sa pagginhawa.
Pagsaysay sa mga apektadong reidente nga halang matud pa sa mata ang ammonia.
Luyo nga gilayong na-aksyunan og naresolba ang problema, gisiguro sa kompanya nga magpahigayon og uban pang pagsusi aron masigurong dili na masubli ang ammonia leak nga nagresulta nga adunay dul-an sa 20 katao ang nadala sa ospital samtang kapin o kulang 2,000 residente gikan sa upat ka purok sa Brgy Cannery Site.
Kahibaluan, kasagaran gigamit ang ammonia isip refrigerant sa mga planta.
