GENERAL SANTOS CITY – Tulo ang patay sa natigayong shootout sa Diversion Road, Brgy. Katangawan ning syudad.
Matud sa report, kini human nga gipahigayon sa RPDEU kaganihang pasado alas 11 sa buntag ang buy bust operation sa lugar sakop sa Tinagacan Police Station.
Ang mga nahisgutan ang pulos dead on arrival sa Dr. Jorge Royeca Hospital gumikan sa multiple gunshot wounds nga naangkon. Usa niini giila nga si Rahimen Bisaya, hamtong, taga Prk Maguindanao Brgy Lumakil, Polomolok South Cotabato.
Igo sa dughan og uban pang parte sa lawas ang nahisgutan nga hinungdan sa iyang kamatayon. Sa impormasyon, si Bisaya ang target sa buybust operation og gikaingong adunay warrant of arrest may kalabutan sa iligal nga droga.
Nasayran nga sakay sa mini sadam truck nga may temporary plate number 20103 dihang natigayon ang shootout.
Sa pagkakaron padayon pang giila sa kapulisan ang ilhanan sa duha nga namatay.
