-- ADVERTISEMENT --
GENERAL SANTOS CITY – Nagpabilin sa kustodiya sa Lagao Police Station ang usa ka gwardiya, human maigo sa buto sa iyang pusil ang usa ka freelance model miaging gabii.
Giila ang biktima nga si Carla Marie Genciado, 25-anyos, residente sa Cahilsot Village, Brgy Calumpang ning dakbayan.
Kahibaluan nga sa imbestigasyon sa nahisgutang presinto, nagtrabaho ang biktima sa Gensan 88 Gastro Bar dihang maigo sa pusil sa gwardiya nga si Olive Viola Yape 27-anyos, taga Purok 7, Brgy Katangawan ning dakyanan.
Nahulog matud pa ang pusil sa gwardiya, apan dihang gipunit nagunitan ang gatilyo hinungdan nga mibuto ug aksidente nga naigo ang biktima sa lawas, ug kasamtangang padayong nagpaalim sa ospital.
