GENERAL SANTOS CITY – Luwas na ang kahimtang sa estudyante sa Ramon Magsaysay Memorial College, nga gipusil sa sampot sa driver sa sakyanan nga iyang gi-overtake-an.
Una niini, gidala sa balay-tambalanan ang nagpangalan ug Reno Romero, 19-anyos, taga-Lanton, Brgy Apopong ning siyudad gumikan sa naangkon nga samad-pinusilan.
Sa imbestigasyon, ginasubay sa biktima sakay sa iyang motorsiklo ang national highway miaging gabii, dihang nag-overtake sa usa ka Innova.
Mibalos usab ug overtake ang nahisgutang SUV, ug mihunong pag-abot sa unahan.
Gumikan nahibulong, mihunong usab matud pa sa lugar ang biktima.
Apan wala niini damha nga pusilon siya sa sakay sa SUV, kung asa naigo siya sa sampot.
Hinuon, mapasalamaton ang nasampit nga anaa na sa luwas nga kahimtang, apan wala niini nakuha ang plate number sa Innova nga gisakyan sa suspek nga mipusil kaniya.
