GENERAL SANTOS CITY – Gatuo si Fred Lumba, usa ka sports writer ug analyst, nga mamahimong dakong tabang si Cleveland Cavaliers player Jordan Clarksonn sa Gilas alang sa Asian Games.
Kini human gisugtan si Clarkson sa NBA nga mudula alang sa Philippine team.
Sa pakighinabi sa Bombo Radyo, gibutyag ni Lumba nga angayan lamang kini, ug dakong butang ang shooting ug defensive ability, ug pagka-NBA player ni Clarkson, alang sa tsansa sa maayong performance sa Pilipinas sa naasoy’ng torneyo.
Apan kahibaluan nga una nang gipadayag sa Fil-Am NBA player nga dili una kini makadula sa match sa Gilas ug sa Kazakhstan karong adlawa, gumikan gikan pa sa taas nga biyahe ug may jetlag pa.
Apan gatuo si Lumba nga mahimo gihapong makadula si Clarkson bisan sa unsa pa mang rason, isip usa ka professional basketball player.
