GENERAL SANTOS CITY – Gidayeg ni Senator Emmanuel โMannyโ Dapidran Pacquiao ang Police Regional Office 12 sa paglusad og programa nga gitutulohang ‘Ang Kabataan Kontra Droga at Terorismo o KKDAT’.
Gipangunahan sa senador isip guest speaker ang launching sa miaging adlaw nga gipahigayon sa usa ka mall dinhi sa syudad.
Ang maong aktibidad ang gitambungan sa mga magtutungha gikan sa nagkadaiyang tulunghaan, kolehiyo og unibersidad sa tibuok Socsargen Region.
Matud pa ni Senator Pacquiao, nindot ang maaong programa kung asa nakatutok sa pagsumpo batok sa ilegal nga droga ilabina na nga malayo ang mga kabataan sa paggamit niini.
Gibutyag sa magbabalaud nga angayang maghiusa og suportahan ang war on drugs sa gobyerno.
Gidayeg niini si PRO-12 Reg’l Dir. C/Supt Marcelo C. Morales og PSupt Maximo F. Sebastian, Regional Mobile Force Battalion 12 sa paglusad sa programa.
Tumong sa maong bag-ong programa nga ma-develop ang aktibong partisipasyon sa mga kabatan-unan pinaagi sa programa nga ga-awhag og mapalambo ang ilang kapasidad sa pakigbatok sa ilegal nga drugs og terorismo sa nasud.
Atul sa launching, gipahigayon ang Mass Recitation sa โ10 Utos Ng Mga Kabataan Kontra Droga at Terorismo og ang Pledge and signing of commitment.
