GENERAL SANTOS CITY – Angayang adunay kaugalingong breast feeding station sa private og public establishment dinhi sa syudad.
Kini ang gibutyag ni Antonio Padilla staff ni Kagawad Rosalita Nuñez kung asa angayang istriktong ipatuman tungod nakalatid sa RA 10028 nga gihimo kaniadtong 2009.
Matud kng Padilla, ilang gi-adopt ang National law sa syudad pinaagi sa gipanday nga ordinansa nga Lactation facilities of City of General Santos.
Sa iyang pahayag, daghang mga establismento ang wala gatuman sa maong balaod busa ilang gipahinumduman.
Gikadugang pa ni Padilla nga dili lamang breast feeding station apan angayang adunay area usab alang sa ilisanan sa diaper sa bata.
Kahibaluan nga karong bulan sa Agosto gisaulog ang Breast Feeding Month nga ang tumong nga itudlo sa publiko kung unsa ka-importante ang breast feeding sa mga bata.
