GENERAL SANTOS CITY – Gitawag ni Atty Luis Salazar nga daw sa pagbugal-bugal ang kontrobersyal nga video ni PCOO Asec. Mocha Uson kalabot sa pederalismo.
Matud ni Atty Salazar, usa ka seryosong hisgutanan ang kalabot sa pederalismo, nga alang sa kaugmaon ug kaayuhan sa katawhan hilabi na sa mga kabataan.
Ug gani, bisan ang ubang mga abugado ug magbabalaod matud pa ang malisdan sa pag-esplikar sa maong hisgutanan aron mapaklaro sa mga ordinaryong tawo, apan nganong gigamitan lang hinuon ug sayaw-sayaw ug binastos sama sa gihimo ni Asec. Uson nga daw sa gibugal-bugalan ang mga tawo.
Dungan niini, gihingusgan ni Atty Salazar nga si Uson ug ang ubang mga personahe sa PCOO ang dili takos paminawan gumikan daw sa gihimong peryahan aron daghan ang maagni.
Ug gani, gitawag pa niyang pulos hanggaw, gikan sa basurahan, ug sagad nga sinugdanan sa mga fake news.
