GENERAl SANTOS CITY – Miani ug managlaing pagsaway ug pagkondena gikan sa publiko ug mga tigpaminaw ang gikareport nga amahan sa Brgy Fatima, nga giunay sa pagpangmolestiya ang tulo ka mga anak niya nga babaye.
Base sa reaksyon sa mga tigpaminaw, adunay uban nga nagkanayon nga angayang panitan ug buhi ang suspek nga si Alias Dindo, o kaha ibilanggo sa tibuok kinabuhi, pahamtangan ug silot-kamatayon, samtang ang uban ang nagkanayon nga angayang putlan ug kinatawo, aron matudluan ug leksyon.
Kahibaluan nga base sa pagsaysay sa 19-anyos nga biktima nga mao ang kamagwangang anak sa suspek, dugay na siyang ginahilabtan sa makapila ka higayon sa amahan, sukad kaniadtong atua pa sila nagpuyo sa Kauluhan, apan nahadlok nga maguba ang ilang pamilya.
Ug gani, miaging gabii, subli matud pa siyang gipugos sa amahan ug sulay nga luguson, apan nakadagan sila ug nakapangayo ug tabang.
Nabulabog pa nga bisan ang iyang mga manghod nga 13 ug 14-anyos, ang ginahikap usab sa amahan sa pribadong bahin sa lawas.
Karong adlawa, Lunes, gikatakdang kasuhan ug Rape ang suspek nga kasamtangang balhug sa Fatima Police Station, human nga desidido gayud ang mga biktima nga kasuhan ang ilang amahan.
